ਪਾਸ਼!

facebook Surjit Gag

ਪਾਸ਼!
ਤੂੰ ਕਦ ਮਰਿਆ ਏਂ
ਏਥੇ ਹੀ ਏਂ ਕਿਤੇ
ਆਲ਼ੇ-ਦੁਆਲੇ
ਮੈਂ ਤੈਨੂੰ ਵੇਖਿਆ ਏ
ਨੌਕਰੀ ਦੀ ਉਮਰ ਲੰਘਾ ਚੁੱਕੇ
ਬੇਰੁਜ਼ਗਾਰ ਦੇ
ਬੁੱਢੇ ਬਾਪੂ ਦੀਆਂ ਅੱਖਾਂ ਵਿੱਚ
ਤੈਰਦੇ ਫਿਕਰ ਵਜੋਂ.............
ਪੱਤ ਲੁਟਾ ਕੇ ਪਰਤੀ
ਵਿਧਵਾ ਦੇ ਹੱਥਾਂ ਵਿੱਚ ਫੜੇ
ਪੈਨਸ਼ਨ ਦੀ ਮਨਜ਼ੂਰੀ ਵਾਲੇ ਫਾਰਮ ਤੇ
ਡਿੱਗੇ ਅੱਥਰੂ ਵਜੋਂ.............
ਸੜਕ ਕਿਨਾਰੇ
ਠੁਰ-ਠੁਰ੍ ਕਰਦੇ ਭਿਖਾਰੀ ਦੇ ਬਾਟੇ ਵਿੱਚ ਡਿੱਗੇ
ਰੁਪਈਏ ਦੀ ਖੜਤਾਲ ਵਜੋਂ.......
ਮੈਂ ਤੈਨੂੰ ਪਹਿਚਾਣਿਆ ਏ
ਮਜ਼ਦੂਰ ਦੇ ਹੱਥਾਂ ਵਿੱਚ ਆਈ ਰੇਤ ਨੂੰ
ਇੱਟ ਬਣਦੇ ਹੋਏ
ਗੋਬਿੰਦਪੁਰੇ ਦੇ ਪਿੰਡੇ ਤੇ ਪਈਆਂ ਲਾਸ਼ਾਂ ਵਿੱਚੋਂ
ਉੱਭਰਦੇ ਹੋਏ.....
ਅਜੇ ਮੈਂ ਤੈਨੂੰ ਕੱਲ੍ਹ ਹੀ ਵੇਖਿਐ
ਤੂੰਮਟਕਾ ਚੌਕ ਤੌਂ ਠੇਕੇਵੱਲ ਜਾਂਦਾ ਹੋਇਆ
ਕੈਮਿਸਟ ਦੀ ਦੁਕਾਨ ਤੇ ਸਲਫਾਸ ਦਾ ਭਾਅ ਪੁੱਛ ਰਿਹਾ ਸੀ...
ਨਹੀਂ ਤੂੰ ਕਿਤੇ ਨਹੀਂ ਗਿਆ
ਏਥੇ ਹੀ ਏ ਤੂੰ
ਬੇਪਛਾਣ ਹੋ ਕੇ ਵਿਚਰ ਰਿਹਾ ਏਂ
ਜੇ ਕੁੱਝ ਮਰਿਆ ਹੈ
ਤਾਂ ਤੈਨੂੰ ਪਛਾਨਣ ਵਾਲਿਆਂ ਦਾ
ਨਜ਼ਰੀਆ ਹੀ ਮਰਿਆ ਹੈ
ਦ੍ਰਿਸ਼ਟੀ ਕੋਣ ਮਰਿਆ ਹੈ
ਤੂੰ ਤਾਂਬਾਂਝ ਹੋ ਚੁੱਕੀਆਂ ਕੁੱਖਾਂ ਵਿੱਚੋਂ ਵੀ
ਜਨਮ ਲੈਣ ਦਾ ਹੋਸਲਾ ਰੱਖਦਾ ਏ
ਹਰ ਕੀਤੇ ਕਰਾਏ ਤੇ
ਘਾਹ ਬਣਕੇ
ਉੱਗ ਜਾਣ ਦਾ ਤਜ਼ਰਬਾ ਹੈ ਤੇਰਾ
ਨਹੀਂ ਤੂੰ ਮਰਿਆ ਨਹੀਂ
ਮਾਰੇ ਜਾਣ ਦੀਆਂ ਸਾਜਿਸ਼ਾਂ ਦਾ ਸ਼ਿਕਾਰ ਹੋਇਆ ਹੈ
ਤੂੰ। .

in image......surjit gagg