ਅੱਜ ਕਲ ਰਾਤ

ਅੱਜ ਕਲ ਰਾਤ
ਮੇਰੇ ਲਈ ਕੇਵਲ ਰਾਤ ਨਹੀਂ ਹੁੰਦੀ
ਸਗੋਂ ਤੇਰੇ ਨਾਲ ਮੁਲਾਕਾਤ ਹੁੰਦੀ ਹੈ
ਉਡਦੇ ਬਦ੍ਲਾਂ ਚੋਂ ਅਕਸਰ
ਤੇਰਾ ਅਕਸ ਨਜਰ ਆਉਂਦਾ ਹੈ
'ਤੇ ਚੰਨ ਤੇਰੇ ਮਥੇ ਦਾ ਟਿੱਕਾ ਬਣਦਾ ਹੈ
ਤਾਰਿਆਂ ਦਾ ਟਿਮਕਣਾ
ਤੇਰੇ ਲੌਂਗ ਦਾ ਲਿਸ਼ਕਾਰਾ ਜਾਪਦਾ ਹੈ  
ਹਵਾ ਦਾ ਰੁਮ੍ਕਨਾ ਅਖਾਂ ਬੰਦ ਕਰਕੇ
ਤੇਰੇ ਚੁੰਨੀ ਦੇ ਪੱਲੂ ਦਾ ਖਹਿਣਾ ਲਗਦੈ
ਜੁਗਨੁਆਂ ਦਾ ਜਗਣਾ-ਬੁਝਣਾ ਪਤਾ ਨਹੀਂ ਕਿਓਂ
ਤੇਰੇ ਪਲਕਾਂ ਝਪਕਣ ਦੇ ਸਮਾਂ ਲਗਦੈ
'ਤੇ ਚੰਨ ਦੀ ਲੋ 'ਚ ਫਸਲਾਂ ਦੀ ਲਹਿਰਨ ਤੋਂ
ਤੇਰੀ ਤੋਰ ਦੇ ਭੁਲੇਖੇ ਪੈਂਦੇ ਨੇ
ਬਿੰਡੇਆਂ ਦੇ ਬੋਲਣ ਦੀ ਅਵਾਜ਼
ਤੇਰੀ ਝਾਂਜਰ ਦੇ ਬੋਰ ਬਣਦੇ ਨੇ
ਵਿਹੜੇ ਖਿੜੀ ਰਾਤ ਦੀ ਰਾਣੀ ਚੋਂ
ਤੇਰੇ ਸਾਹਾਂ ਦੀ ਮਹਿਕ ਆਉਂਦੀ ਹੈ
ਅੱਜ ਕਲ ਰਾਤ
ਮੇਰੇ ਲਈ ਕੇਵਲ ਰਾਤ ਨਹੀਂ ਹੁੰਦੀ
ਸਗੋਂ ਤੇਰੇ ਨਾਲ ਮੁਲਾਕਾਤ ਹੁੰਦੀ ਹੈ